جذابة في دنيا كذابة
مديرة المنتدى
 ~][ عدد المشاركات ][~: : 154
~][ تـاريـخ التــسجيــل ][~: : 03/02/2011
~][ المـــــوقع ][~: : ﻣنـﺘﺪﻯ أﺣﺴـاس ﯧنـات
~][ العمـــــــل التــــــــــرفيـــــــه ][~: : أحْسَاسْ مُوْ كْلْ البَشَرْ يْفْهَمُوْنَهْ
~][ الاوسمـهـ ][~: : 
 | موضوع: حكم ومواعظ للباحثين عن الحكمة (1)  السبت مارس 19, 2011 5:11 am | |
| السلام عليكم ورحمة الله وبركاته
اهداء الى كل الباحثين عن الحكمة فى كل مكان وأوان .. الى المؤمنين بقيمة الكلمة فى تشكيل الوجدان .
( المؤلف )
السكر والكباية
كباية قالت للسكر .... قل لى يامضروب
ليه تلمسك معلقة .... تنحل ليه وتدوب
السكر اللى انكوى... من لوية البزبوز
بيقول بدون معلقة ... ممكن أحس وأدوب
.....................
خرنق
ابنى الصغير سألنى : يعنى ايه ( ياخرنق )
قلت له : كلمة بتخرج زى لوى العنق
أولها ( خر ) الكلام هايف بدون معنى
وأخرها ( نق ) البشر ساعة شهادة حق
......................
اهل المعايب
فسيخ الكلام......... صار شربات
واهل المعايب............. عابونا
فيه ناس كانت ...........خرنقات
جم بالضلال.............. بطلونا
.......................
الندل والمال
الندل لو يملك المال ......... يلبس تياب غير تيابه
يعب فى اهله الكمل .. ويطول لسانه على صحابه
غيابه افيد الى الناس .... من حال وجوده يسوءه
ولاحد يتمنى رؤياه ........... وكفايه منه ارتيابه
ابوالفصاد وابنه
ابوالفصاد قال لابنه .......... ياكتيـــــر النط
الرزق يابنى نباهه .......... مش هبل او نط
واصبر على قسمتك ........ والقط مايصفى لك
قال له لمين الكلام ......... واحنا سوا ع الخط
..........................
الحنش والحمار
قال الحنش للحمار .......... امتى نلوف على بعض
نعمل ثنائى عظيم ........... يمشى فى عمار الأرض
الجحش عجبه الكلام ............... برطع وقع حمله
عشوة بعلقة ............. نسى فيها السنن والفرض
الكلام والسكوت
قال الكلام للسكوت .............. مفروس انا منك
مين يوم ماسموك دهب .......... وانت بتتنك
قال السكوت للكلام .............. يافالت المعيار
ابعد عن الدش والفالصو ........... يزيد وزنك
الفيران والقط
لموا الفيران بعضهم .......... ع القط واتصدوا
قالوا لابد الغبى ................ مايلتزم حده
القط نونو وفروا كلهم هربانين
زى الفيران البشر ماعمرهم سدوا
والبقية تأتى ان شاء الله
| |
|
