كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:
المكالمه الاولى : شايب كبير السن
الموظف : الو ..استعلامات الدليل علي الــ......, مرحبا
المواطن : الو .. ممكن لو سمحت تعطيني رقم عبدالله فهد سعد
الموظف : وين ساكن اخوي لو سمحت
المواطن : ساكن هنا قريب منا .
الموظف : وين قريب منكم بالظبط .
المواطن : ياخوي هنا جمبنا جارنا ماتعرفون رقمه .
الموظف : ياعزيزي انا مادري انت وين بعد .
المواطن : اقول والله انتوا ما ادري شلون متوظفين .
طوط طوط انقطع الخط
.
.
.
المكالمه الثانيه : صوت ناعم
الموظف : الو ..استعلامات الدليل علي الــ......, مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه
الموظف : اي فرع تبين رقمه .
الصوت الناعم : تدري ايش فيه فرع النسيم بايخ لآن البيتزامالتهم توصل بارده .. وبعدين شكلها خبزايراني.
الموظف : بيموت من الضحك بس ساكت ... طيب خذي فرع العارضية
الصوت الناعم : ياخي ليش ماتضحك .. لايكون انت صاحب بيتزا هت ..مالت عليكم وعلى دمك .
طوط طوط انقطع الخط
.
.
.
المكالمه الثالثه : طفل يرفع الضغط
الموظف : الو ..استعلامات الدليل علي الــ......, مرحبا
الطفل : الووووووو عطني رقم وشسمه ..هذا..وشسمه ياربي .. ايه ... علاوي محمد
الموظف : طيب خذ رقمه ؟؟؟؟؟؟؟؟؟؟
الطفل : لحظه ابي رقم ثاني بعد . ابي رقم هذا وشسمه ... وليد عبدالله
الموظف : طيب خذ رقمه ؟؟؟؟؟؟؟ ( مع انه ممنوع اكثر من اسم في مكالمه واحده )
الطفل : طيب ابي واحد ثاني هذا رقم ابوعزوز عمي عبود .
الموظف : اتصل مره ثانيه لانه ممنوع اكثر من رقم في اتصال واحد .
الطفل : اقول وجع .. يوجع بطنك .. ... .
الموظف : يخرج من طوره ( اقول اسمع ............. طوط طوط قفل الخط .
.
.
المكالمه الرابعه : كانت صوت ناعم
الموظف : الو ..استعلامات الدليل علي الــ......, مرحبا
الصوت الناعم : الله يعطيك العافية اخوي .
الموظف : الله يعافيج يارب ........ ( اول مره احد يعطيه روح معنويه)
الصوت الناعم : ممكن رقم صالون حنان دشتي للتجميل .
الموظف :ليش الحلوحلو لا قعد من النوم والجيكر جيكر لو غسل بصابون ((يعني بغازل بس بالاخير خربها
الصوت الناعم : صج ما تستحي ع ويهك
طوط طوط قفل الخط <<< احسن احسن تستاهل محد قالك تليقف
.
المكالمه الخامسه : كانت صوت ناعم وااايد
الموظف : الو ..استعلامات الدليل علي الــ......, مرحبا
الصوت الناعم : مرحبا اخوي ممكن تعطيني مستشفى السلام للولاده .
الموظف : كيف ..؟؟؟؟؟
الصوت الناعم : مستشفى السلام للولاده .. تسمع يا اصمخ .
الموظف : يبي يصرفها المكالمه مسجله طبعا ( هذا رقمه غير معلن ) .
الصوت الناعم : طيب اغلب ويهك .
طوط طوط انقطع الخط .
.
.
.
المكالمه السادسة : كانت فتاه ايضا
الموظف : الو ..استعلامات الدليل علي الــ......, مرحبا
الفتاه : عيوني.
الموظف : بلا هالكلام ايش تبغين ...............(عشان المكالمه مراقبه).
الفتاه : لا انا ابي محل عيوني للعدسات والنظارات اللي في السالمية .
الموظف : ايش اسمه عيوني
الفتاه : لا مو عيونك عيوني انا ياعيوني .
الموظف : خوذي رقمه ؟؟؟؟؟؟؟؟
الفتاه : طيب شكرا لعيونك اللي كنها عيون بقره ...ههههههههههههههه عندها بنات يضحكون .
الموظف طلع وترك الدوام .وراح يشرب عصير ليمون
الخميس سبتمبر 15, 2011 4:04 am من طرف 
